Би шүүхийн шийдвэр гүйцэтгэх байгууллагад насаараа ажилласан, ингэхдээ 10 гаруй жил хорих ангийн даргын албыг хашсан. Бидний үед хорих ангиуд одоогийнх шиг нээлттэй, хаалттай гэж байсангүй. Чанга, онцгой, жирийн гэсэн дэглэмтэй хорих ангиуд байв. Одоо цаг өөр болж.

Нийгэм өөрчлөгдөхийн хэрээр хүнийг заавал шоронд ял эдлүүлэх биш нийгэм, гэр бүлдээ байж ажил хөдөлмөрөө эрхлэх, өөрийнхөө буруутай үйлдлийг засах боломжийг нь олгодог хорихоос өөр төрлийн ял гэж гарсныг 2021 анх сонссон.

Энэ бол ардчилсан нийгэмд ард түмнээ нийгэмшүүлж байгаа чухал хэлбэр, монгол төрийн бодлого гэж ойлгож байгаа. Харамсалтай нь, сүүлийн үед цахим гавны талаарх гүтгэлгийн шинжтэй мэдээллийг зориудаар түгээж, шүүхийн байгууллагын шийдвэрийг гуйвуулж, эсэргүүцдэг сонин үзэгдэл гаарлаа. Ялтан нь ялтан шиг байж, төрийн бодлогоо хүндэтгэдэг баймаар байна.

Шүүхийн шийдвэр гүйцэтгэх байгууллагад ажиллаж байсан хүний хувьд үүнийг хараад дуугүй сууж чадсангүй бодлоо бичлэгт буулгалаа.