ОХУ-ын ерөнхийлөгч Владимир Путин саяхан зарлигт гарын үсэг зурж, хоёрдугаар сарын 1-нээс өмнө найрсаг орнуудтай хийсэн тохиролцооны дагуу газрын тос, нефтийн бүтээгдэхүүн нийлүүлэхийг зөвшөөрсөн байна. Энэ нь өнгөрсөн оны сүүлчээр барууны орнуудын Оросын нефтийн үнийн хязгаарлалт тавьсны эсрэг ОХУ-ын ерөнхийлөгчийн зарлигт хязгаарлагдахгүй юм байна.
4-р сарын 28-нд Оросын хууль эрх зүйн мэдээллийн сайтад уг хуулийн зарлигийн холбогдох баримт бичгүүдийг нийтэлжээ. Уг зарлигийг 28-ны өдөр зарласны дараа хүчин төгөлдөр болсон бөгөөд барууны орнуудын Оросын нефтийн үнэд хязгаарлалт тавьсны эсрэг өнгөрсөн оны сүүлчээр Путины гарын үсэг зурсан ерөнхийлөгчийн зарлигт засвар оруулсан байна.
Өнгөрсөн оны 12-р сарын эхээр ЕХ-ны гишүүн орнууд ОХУ-д далайгаар нийлүүлдэг нефтийн экспортын үнийн дээд хязгаарыг 60 ам.доллар байхаар тохиролцсон бол ЕХ-той ижил үнийн хязгаарлалтын бодлого хэрэгжүүлэхээ Их 7-ын бүлэг болон Австрали улс ч зарласан юм. Путин мөн сард ерөнхийлөгчийн зарлигт гарын үсэг зурж, гэрээнд үнийн дээд хязгаарыг тогтоох механизмыг шууд болон шууд бусаар ашигладаг гадаадын хуулийн этгээд, хувь хүмүүст Оросын газрын тос, нефтийн бүтээгдэхүүн нийлүүлэхийг хориглохыг шаардсан байна. Ерөнхийлөгчийн энэхүү зарлиг 2023 оны хоёрдугаар сарын 1-нээс хэрэгжиж, долдугаар сарын 1 хүртэл хүчинтэй байх болно.
Энэ мэдээнд өгөх таны үнэлгээ
+1
+1
+1
+1
+1
+1
+1
