Эрдэнэс Монгол ХХК-д нээлттэй ажлын байрны сонгон шалгаруулалтыг ажлын хэсэг 3 үе шаттайгаар зохион байгууллаа. Сонгон шалгаруулалтыг ил тод, гадаад хяналтын баг хянан шийдвэрлэв. Төрийн өмчит компаниудын хүний нөөцийг улс төрийн бус байдлаар бүрдүүлэх эхний алхам боллоо.

Хоёрдугаар сарын 8-ны өдөр Монгол Улс Турк улс руу 35 хүний бүрэлдэхүүнтэй аврах багийг явуулж, Турк, Сири улсад хүмүүнлэгийн тусламж үзүүллээ. НЭМГ-ын хорин таван аврагч, арван эмч, сувилагч нарын бүрэлдэхүүнтэй аврах баг гамшгийн газарт ажиллаж байна.

Монгол Улсын Ерөнхий сайд Л. Оюун-Эрдэнэ хоёрдугаар сарын 9-ний өдөр газар хөдлөлтийн улмаас Турк улсад олон мянган хүний амь нас хохирсонд эмгэнэл илэрхийлж, эмгэнэл илэрхийлэх номонд гарын үсэг зурлаа.

Ерөнхий сайдын санаачилгаар Засгийн газрын хоёрдугаар сарын 8-ны өдөр 2023 оныг Авлигатай тэмцэх жил болгон зарлах тогтоолыг баталлаа. Энэ хүрээнд Засгийн газар авлигын эсрэг таван үйл ажиллагааг эхлүүлэхээр төлөвлөжээ.

Монгол Улс 2022 оны 5 дугаар сараас эхлэн зонхилон тохиолдох халдварт болон халдварт бус өвчний эрт үзлэг, оношилгоог орон даяар явуулж байна.

Одоогоор улсын хэмжээнд 852 мянга гаруй хүн эрүүл мэндийн үзлэг, оношилгоонд хамрагдаад байна.