Батлан хамгаалах яамнаас 2025 оныг “Эх оронч Монгол-Их сэргэлтийн жил” болгон зарласантай уялдуулан “Монгол эр хүн-Эр цэрэг” төслийг Улаанбаатар цэргийн хүрээний нэгтгэл, ангиудад хэрэгжүүлсээр байгаа билээ.

Тэгвэл энэ удаа Монгол Улсын Хөдөлмөрийн баатар, Ардын жүжигчин П.Цэрэндагва, Д.Мэндбаяр нар хурандаа генерал Ж.Ёндонгийн нэрэмжит Цэргийн гавьяаны улаан тугийн болон Байлдааны гавьяаны одонт Улаанбаатар цэргийн хүрээний ёс журам сахиулах Зэвсэгт хүчний 032 дугаар ангийн нийт бие бүрэлдэхүүнтэй цэрэг-эх оронч үзлийг бадраасан, Монгол эр хүний эрхэмлэх ёсон, уламжлалт ёс заншлыг сурталчлан таниулах уулзалтыг амжилттай зохион байгуулж халуун дотно яриа өрнүүллээ.