3-р сарын 31-ээс 4-р сарын 1-ний өдрүүдэд АНУ-ын төв баруун болон өмнөд бүс нутагт хүчтэй далайн хар салхи, ширүүн бороо зэрэг эрс тэс цаг агаарын улмаас 7 мужид дор хаяж 21 хүн амиа алджээ. Олон хот суурин гамшигт нэрвэгдэж, байшин барилга нурж, ноцтой хохирол амсжээ.
3-р сарын 31-ний шөнө Иллинойс мужийн хойд хэсэгт хүчтэй салхи шуурга, мөндөр орсны улмаас нэгэн театрын дээвэр нурж, 50 настай эрэгтэй амиа алдсан бол 40 орчим хүн бэртэж гэмтснээс 2 хүн хүнд бэртсэн байна. Тус мужийн Кроуфордод далайн хар салхи гурван хүний аминд хүрч, олон байшинг сүйтгэсэн гэж АНУ-ын хэвлэл мэдээллийнхэн мэдээлжээ.
Арканзас мужид хүчтэй далайн хар салхины улмаас 5 хүн амиа алдаж, 50 гаруй хүн шархадсан бол Теннесси мужийн албаныхан мэдээлснээр, тус мужид дор хаяж 7 хүн амиа алдсан байна.
АНУ-ын салхи шуургыг урьдчилан мэдээлэх төвийн мэргэжилтэн Билл Бантинг хэлэхдээ, тус агентлаг далайн хар салхинаас гадна мөндөр, салхины гамшгийн талаар олон мэдээлэл хүлээн аваад байна.
