Монгол Улсын төмөр замын бүтээн байгуулалт 2020 оноос эрчимжиж ЗХЖШ бүтээн байгуулалтын үйл ажиллагаанд оролцож Таван толгойгоос Зүүнбаян чиглэлийн төмөр замын ажилд төмөр замын суурь бүтэц хийх тусгай зөвшөөрлөө ЗТХЯ аас авсан компаниудтай туслан гүйцэтгэх гэрээ байгуулсан бөгөөд уг гэрээг тухайн үедээ улсын нууцад авсан байдаг ба 2022 онд нүүрсний гэх хэргийн улмаас ЗГ-ын шийдвэр гарч бүхэлд нь нууцаас гаргаж Монголын төмөр зам ХК-ийн албан ёсны сайт дээр бүх гэрээнүүдийг үнийн дүнгийн хамт нийтэлсэн байна.

Уг гэрээнүүдийн дунд Т.Сайнжаргалын “Ширхэнцэг хараа” ХХК гэх компаний гэрээ байх бөгөөд уг гэрээний үйл явц нь 2020 оны 05 сарын 01 өдрөөс эхэлсэн болохыг гэрээний 2.1.1 ээс харж болж байна.

Мөн уг компаний ЗХЖШ-тай хийсэн гэрээний хамгийн сүүлийн 21 дүгээр хуудсан дээр гүйцэтгэгчийг төлөөлөн гарын үсэг, хаяг, утас зэрэг нь байх бөгөөд 91919263 дугаарын утас нь Зүүнбаян ХХК-ийн дэд захирал Т.Сайнжаргалын олон жилийн турш эзэмшиж байгаа гар утас болохыг нь АЗХ-ны гишүүн Түмэнжаргал АТГ-т 2023 оны 01 сарын 28 өдөр гаргасан гомдолдоо дурдсан тухайгаа өөрийн болон бусад цахим мэдээллийн сайтуудаар гаргасан байдаг. Мөн Сэлэнгэ аймгийн ИТХ-ын сайтад иргэн Т.Сайнжаргалын төлөөлөгчөөр ажиллаж байх үеийн мэдээллүүдийг харахад тухайн утасны дугаарыг эзэмшигчийн хамт мэдээлэлд нь оруулсан байдаг нь нотолгоо юм.